આર્થિક-આંતરિક ફટકા ખાતું પીપલ્સ રીપબ્લિક ઓફ ચાઇના સૈનિકો ઘટાડી રહ્યું છે, પણ યુદ્ધક્ષમતા વધારી રહ્યું છે ઃ અમેરિકા-જપાન સામે ડરીને બાવડાં ફૂલાવ્યાં
ચેરમેન માઓ સાત વર્ષના હતા ત્યારની આ વાત છે. માઓની માતા વેન કિમેઇ અત્યંત બિમાર પડી ગઇ હતી. તે પથારીમાંથી ઊભી પણ થઇ શકે તેમ નહોતી. તેણે એક સુંદર બગીચો બનાવ્યો હતો. વેન રોજ આ બાગની જાતે સાર-સંભાળ લેતી હતી, પરંતુ પથારીવશ હોવાને લીધે તે એ સમયે તેની માવજત કરી શકતી નહોતી.
આથી તેને ખૂબજ ચિંતા થતી હતી. નાનકડા માઓએ માની પીડા જોઇને કહ્યું 'મા તું જરાય ચિંતા ન કર. તારા ઉદ્યાનની કાળજી હું લઇશ.' એક મહિના પછી વેન સાજી થઇ. જ્યારે તે બાગમાં ગઇ તો ચીસ પાડી ઉઠી. તેણે જોયું કે બધા જ છોડ કરમાઇ ગયા હતા. બાગ સાવ સૂકાઇ ગયો હતો. નાનકડા માઓને તેણે ખૂબ ઠપકો આપ્યો. 'તું તો કહેતો હતો કે હું કાળજી લઇશ. તંે આ શુ કર્યું?'
માઓ રડવા લગ્યો. રોતા રોતા કહ્યું 'ખબર નહીં કેમ આ છોડ કરમાઇ ગયા. હું તો એક-એક પાંદડાંની કાળજી લેતો હતો. દરેક પાંદડું મારી જાતે મસોતાથી સાફ કરતો હતો. તેના પર પાણીનો છંટકાવ કરતો હતો.'
માઓની વાત સાંભળીને વેન હસી પડી અને વહાલથી તેને બાથમાં લેતા બોલી 'માઓ, તું બિલકુલ પાગલ છે. છોડના પ્રાણ તેના પાંદડાંમાં નહીં, પરંતુ મૂળમાં હોય છે. પાંદડાં પર પાણી છાંટવાથી છોડ ક્યારેય જીવીત નથી રહેતા. જો તેમનું જતન કરવું હોય, તેમને ખીલવવા હોય તો તેના મૂળમાં પાણી રેડવું પડે.'
ચીનના રાષ્ટ્રપતિ માઓત્સે તુંગે આ પ્રસંગ તેમની આત્મકથામાં ટાંક્યો છે. જો કે ચીનના શાસકો આ કથામાંથી જરાય બોધપાઠ લઇ શક્યા નથી. મૂળિયાને પાણી પીવડાવવાને બદલે તેઓ પીપલ્સ રીપબ્લિક ઓફ ચાઇનાને બહારથી મજબૂત બનાવી રહ્યા છે.
તેમને વિકાસના પ્રભાવક આંકડા જોઇએ છે. આ માટે તેમણે સામ, દામ, દંડ, ભેદ બધું જ અપનાવી ખોટા ચિત્રો દોરાવ્યા. જેનો કાન-ફાડ અવાજ થોડા દિવસો પહેલા શેરબજારની ઉંધેકાંધ પછડાટમાં સંભળાયો.
બિજિંગના તિયાનમેન ચોકમાં સૈન્યશક્તિનો દેખાડો કરવા માટે ચીન ઘણા દિવસોથી તૈયારી કરી રહ્યું હતું. આ માટે આસપાસ માઇલો સુધી ઓફિસો બંધ કરાવી દેવાઇ હતી, કારખાનાને તાળાં મારી દેવા ફરજ પડાઇ હતી. વાહનવ્યવહાર અટકાવી દેવામાં આવ્યો હતો. ચીનની વિખ્યાત સોશ્યલ સાઇટ વેઇબો પર જ્યારે લોકો વિરોધ વ્યક્ત કરવા લાગ્યા તો તેમના અકાઉન્ટ ડીલીટ કરી નાખવામાં આવ્યા.
રીમોટ કંટ્રોલનું મ્યુટ બટન દાબીને ચીનની સામ્યવાદી સરકારે જનતાને મૂંગી કરી દીધી છે. તેનો પડઘો પણ આજે નહીં તો કાલે પડશે જ. ચીનમાં મિડિયા, વિપક્ષ અને એલિયન આ ત્રણેય કાલ્પનિકપાત્રો છે. કોમ્યુનિસ્ટ પાર્ટી ઓફ ચાઇનાએ મોઢામાં મૂકેલા શબ્દો જ લખતા-બોલતા છાપા-ચેનલોને મિડિયા કઇ રીતે કહી શકાય?
૨૬ વર્ષ પહેલા ચીનમાં લોકશાહીની માગણી કરતા હજારો યુવાનોને તીયાનમેન સ્કવેર ખાતે ઠાર કરી નાખવામાં આવ્યા હતા. ત્રીજી સપ્ટેમ્બરે ચીનના સૈનિકો આ યુવાઓની કબર પર કદમકૂચ કરી રહ્યા હોય એવું લાગતું હતું. સૈનિકોની પરેડ યોજીને શક્તિપ્રદર્શન કરવાની ફેશન પશ્ચિમમાંથી કેદુની નામશેષ થઇ ગઇ છે. કિંતુ એશિયામાં હજી યથાતથ છે. જપાનના વડા પ્રધાન શિન્ઝો અબે જપાનના શાંતિવાદી બંધારણમાં ફેરફાર કરીને સૈન્યશક્તિ વધારવા કવાયત કરી રહ્યા છે. જેની ચીનને અત્યારથી ફડક છે. અમેરિકા પણ જપાન-ભારત સાથે રક્ષા-સંબંધ વધારી રહ્યું છે. એશિયા પેસિફિકમાં અમેરિકાનો સૈન્ય પ્રભાવ વધી રહ્યો હોવાથી જીન પિંગે પુતિનને બગલમાં ઊભા રાખીને હુંકાર કર્યો છે.
આ હુંકારને ડણક કહી શકાય તેમ નથી. ૨૩ લાખની સૈન્યશક્તિમાંથી ત્રણ લાખ સૈનિકોનો લીરો કાપી નાખવાની જીન પિંગની જાહેરાત તેમણે અમેરિકા-જપાન સામે ફુલાવેલા બાવડાં ઢાકવામાં વિફળ નિવડી છે. ૧૯૭૯માં વિયેતનામ યુદ્ધ પછી ચીન ભૂમિ પર કોઇ દેશ સામે જંગ લડયું નથી. અને હવે યુદ્ધનું સ્વરૃપ બદલાઇ ગયું છે. જમાનો સાઇબર અને સ્પેસ વોરનો છે, જેમાં ચીન અમેરિકાની લગભગ લગોલગ ઊભી શકે એમ છે. તે સૈનિકોની સંખ્યા ઘટાડી રહ્યું છે, પણ સૈન્યશક્તિ વધારી રહ્યું છે. આથી હરખાવા જેવું નથી. ગુડ ન્યૂઝ એ છે કે આર્થિક અને આંતરિક ક્ષેત્રે નબળું પડી રહ્યું હોવાથી આજે નહીં તો કાલે તેની યુદ્ધક્ષમતાને માર પડવાનો છે.
અચરજ પમાડે તેવા વિનાશક શસ્ત્રો અને મિસાઇલો ચીને કોઇપણ વિદેશી મદદ વિના ઘરઆંગણે તૈયાર કર્યા તે ભારત માટે અનુકરણીય છે.
તાઇવાન, હોંગકોંગ અને તિબેટ ચીનથી આઝાદ થવા માગે છે. ચીન તેમનું ગળું પણ રુંધતું આવ્યું છે. જ્યારે સ્પ્રિંગ ઉછળશે ત્યારે આ શસ્ત્રોની ઉપયોગ તેના દેશની અંદર નહીં કરી શકે એ તેનું સૌથી મોટું દુર્ભાગ્ય છે.
ઇસ પૂર્વે ૫૪૪થી ૪૯૬ દરમિયાન ચીનમાં થઇ ગયેલા નીતિકાર સુન ત્ઝુએ યુદ્ધકલા અને સૈન્ય વ્યૂહ વિશે સૌપ્રથમ પુસ્તક લખ્યું હતું. તેમણે આ કિતાબમાં લખ્યું હતું 'જ્યારે નબળા હો ત્યારે શક્તિશાળી દેખાઓ અને શક્તિશાળી હોવ ત્યારે નબળા...' આ સૂત્રનો પૂર્વાર્ધ ચીનના પ્રવર્તમાન શાસનનો મુદ્રાલેખ બની ગયો છે.
કુલદીપ કારિયા
વૈશ્વિક હાઈલાઈટ્સ...
- પ્રેમની અભિવ્યક્તિમાં હૃદયનું ખાસ મહત્ત્વ હોય છે અને દિલ સદાબહાર જવાન રહેતું હોવાનું કવિઓ તેમની કવિતા લખે છે, પરંતુ વાસ્તવિકતા બિલકુલ ઉલટી છે. અમેરિકાની સંસ્થા સેન્ટર ફોર ડીસીઝ કંટ્રોલે કરેલા અભ્યાસમાં બહાર આવ્યું છે કે માણસના શરીર કરતા હૃદયની ઉંમર ઝડપથી વધે છે. હૃદય પંદર વર્ષ વહેલું ઘરડું થઇ જાય છે. દિલ તો બચ્ચેં હૈ જી કહેવાનું હવે બંધ કરી દેવું જોઇએ.
- બ્રિટનના ૪૦મા શાસક એલિઝાબેથ-૨ નવમી સપ્ટેમ્બરે બ્રિટનમાં સૌથી વધુ શાસન કરનારા સામ્રાજ્ઞાી બન્યા છે. ક્વિન એલિઝાબેથ બીજાના પિતા કિંગ જ્યોર્જ પાંચમાનું મૃત્યુ થતા ૬ ફેબુ્રઆરી ૧૯૫૨ના રોજ તેમણે શાસન સંભાળ્યું હતું. ૯મી સપ્ટેમ્બરે તેમના શાસનને ૬૩ વર્ષ અને સાત મહિના પૂરા થશે. બ્રિટનની લોકશાહીનું આ એક અદ્ભૂત રાજકીય સૌંદર્ય છે.
- લંડનથી વિશ્વની સૌથી મોટી એટલે કે ૪૦,૦૦૦ નોટીકલ માઇલ લાંબી યોટ રેસનો પ્રારંભ થયો છે. તેમાં ૧૨ યોટ પર ૭૦૦ સ્પર્ધકો સવાર થયા છે. આખી પૃથ્વીને ચક્કર લગાવી અંદાજે જુલાઇ ૨૦૧૬ સુધીમાં હોડીઓ ફરી લંડન પહોંચશે. સ્પર્ધામાં મોટાભાગના ખલાસીઓ શિખાઉ સાગરખેડું છે. જોકે સાહસ એ સૌથી મોટી લાયકાત છે.
-સ્થળ ત્યાં જળ એવું તો ઘણી વખત સાંભળ્યું છે, પરંતુ અમેરિકાના એક ફોટોગ્રાફરે સ્થળ ત્યાં વૃક્ષની ભ્રાન્તિ કરાવી હતી. કેલિફોર્નિયાના મોઝાવ રણમાં સૂકાઇ ગયેલા સરોવરનો પટ ફોટોગ્રાફર જેસન ડોટોરોવે વિમાનમાં ૩૦,૦૦૦ ફુટની ઊંચાઇ પરથી કેમેરામાં કેદ કરી લીધો હતો. આ તસવીર અમેરિકાની ફોટોગ્રાફી સ્પર્ધામાં બીજા નંબર પર આવી હતી.
- ચીનના તાઇવાન પ્રાન્તમાં યુવક-યુવતીઓ કપડાંને બદલે પ્લાસ્ટિકની બેગ પહેરીને સેલ્ફી ક્લિક કરી સોશિયલ મિડિયામાં મૂકી રહ્યા છે. સાંભળવામાં આ થોડું વિચિત્ર લાગશે. જોવામાં પણ એટલું જ ઉટપટાંગ છે, પરંતુ આ ટ્રેન્ડ ઊભો થવા પાછળનું એવુ ંકોઇ નક્કર કારણ નથી. મોલ કલ્ચર ફૂલ્યુ-ફાલ્યુ છે એવા જુગમાં તાઇવાનના જુવાનિયાઓ ૭-ઇલેવન સ્ટોરની મોટી પ્લાસ્ટીક બેગ પહેરીને બિંદાસ્ત ફોટોગ્રાફ્સ પડાવે છે. યા જાતે ક્લિક કરે છે. જરા અસભ્ય ગણાતી આ ફેશન આજકાલ ખલબલી મચાવી રહી છે.
ચેરમેન માઓ સાત વર્ષના હતા ત્યારની આ વાત છે. માઓની માતા વેન કિમેઇ અત્યંત બિમાર પડી ગઇ હતી. તે પથારીમાંથી ઊભી પણ થઇ શકે તેમ નહોતી. તેણે એક સુંદર બગીચો બનાવ્યો હતો. વેન રોજ આ બાગની જાતે સાર-સંભાળ લેતી હતી, પરંતુ પથારીવશ હોવાને લીધે તે એ સમયે તેની માવજત કરી શકતી નહોતી.
આથી તેને ખૂબજ ચિંતા થતી હતી. નાનકડા માઓએ માની પીડા જોઇને કહ્યું 'મા તું જરાય ચિંતા ન કર. તારા ઉદ્યાનની કાળજી હું લઇશ.' એક મહિના પછી વેન સાજી થઇ. જ્યારે તે બાગમાં ગઇ તો ચીસ પાડી ઉઠી. તેણે જોયું કે બધા જ છોડ કરમાઇ ગયા હતા. બાગ સાવ સૂકાઇ ગયો હતો. નાનકડા માઓને તેણે ખૂબ ઠપકો આપ્યો. 'તું તો કહેતો હતો કે હું કાળજી લઇશ. તંે આ શુ કર્યું?'
માઓ રડવા લગ્યો. રોતા રોતા કહ્યું 'ખબર નહીં કેમ આ છોડ કરમાઇ ગયા. હું તો એક-એક પાંદડાંની કાળજી લેતો હતો. દરેક પાંદડું મારી જાતે મસોતાથી સાફ કરતો હતો. તેના પર પાણીનો છંટકાવ કરતો હતો.'
માઓની વાત સાંભળીને વેન હસી પડી અને વહાલથી તેને બાથમાં લેતા બોલી 'માઓ, તું બિલકુલ પાગલ છે. છોડના પ્રાણ તેના પાંદડાંમાં નહીં, પરંતુ મૂળમાં હોય છે. પાંદડાં પર પાણી છાંટવાથી છોડ ક્યારેય જીવીત નથી રહેતા. જો તેમનું જતન કરવું હોય, તેમને ખીલવવા હોય તો તેના મૂળમાં પાણી રેડવું પડે.'
ચીનના રાષ્ટ્રપતિ માઓત્સે તુંગે આ પ્રસંગ તેમની આત્મકથામાં ટાંક્યો છે. જો કે ચીનના શાસકો આ કથામાંથી જરાય બોધપાઠ લઇ શક્યા નથી. મૂળિયાને પાણી પીવડાવવાને બદલે તેઓ પીપલ્સ રીપબ્લિક ઓફ ચાઇનાને બહારથી મજબૂત બનાવી રહ્યા છે.
તેમને વિકાસના પ્રભાવક આંકડા જોઇએ છે. આ માટે તેમણે સામ, દામ, દંડ, ભેદ બધું જ અપનાવી ખોટા ચિત્રો દોરાવ્યા. જેનો કાન-ફાડ અવાજ થોડા દિવસો પહેલા શેરબજારની ઉંધેકાંધ પછડાટમાં સંભળાયો.
બિજિંગના તિયાનમેન ચોકમાં સૈન્યશક્તિનો દેખાડો કરવા માટે ચીન ઘણા દિવસોથી તૈયારી કરી રહ્યું હતું. આ માટે આસપાસ માઇલો સુધી ઓફિસો બંધ કરાવી દેવાઇ હતી, કારખાનાને તાળાં મારી દેવા ફરજ પડાઇ હતી. વાહનવ્યવહાર અટકાવી દેવામાં આવ્યો હતો. ચીનની વિખ્યાત સોશ્યલ સાઇટ વેઇબો પર જ્યારે લોકો વિરોધ વ્યક્ત કરવા લાગ્યા તો તેમના અકાઉન્ટ ડીલીટ કરી નાખવામાં આવ્યા.
રીમોટ કંટ્રોલનું મ્યુટ બટન દાબીને ચીનની સામ્યવાદી સરકારે જનતાને મૂંગી કરી દીધી છે. તેનો પડઘો પણ આજે નહીં તો કાલે પડશે જ. ચીનમાં મિડિયા, વિપક્ષ અને એલિયન આ ત્રણેય કાલ્પનિકપાત્રો છે. કોમ્યુનિસ્ટ પાર્ટી ઓફ ચાઇનાએ મોઢામાં મૂકેલા શબ્દો જ લખતા-બોલતા છાપા-ચેનલોને મિડિયા કઇ રીતે કહી શકાય?
૨૬ વર્ષ પહેલા ચીનમાં લોકશાહીની માગણી કરતા હજારો યુવાનોને તીયાનમેન સ્કવેર ખાતે ઠાર કરી નાખવામાં આવ્યા હતા. ત્રીજી સપ્ટેમ્બરે ચીનના સૈનિકો આ યુવાઓની કબર પર કદમકૂચ કરી રહ્યા હોય એવું લાગતું હતું. સૈનિકોની પરેડ યોજીને શક્તિપ્રદર્શન કરવાની ફેશન પશ્ચિમમાંથી કેદુની નામશેષ થઇ ગઇ છે. કિંતુ એશિયામાં હજી યથાતથ છે. જપાનના વડા પ્રધાન શિન્ઝો અબે જપાનના શાંતિવાદી બંધારણમાં ફેરફાર કરીને સૈન્યશક્તિ વધારવા કવાયત કરી રહ્યા છે. જેની ચીનને અત્યારથી ફડક છે. અમેરિકા પણ જપાન-ભારત સાથે રક્ષા-સંબંધ વધારી રહ્યું છે. એશિયા પેસિફિકમાં અમેરિકાનો સૈન્ય પ્રભાવ વધી રહ્યો હોવાથી જીન પિંગે પુતિનને બગલમાં ઊભા રાખીને હુંકાર કર્યો છે.
આ હુંકારને ડણક કહી શકાય તેમ નથી. ૨૩ લાખની સૈન્યશક્તિમાંથી ત્રણ લાખ સૈનિકોનો લીરો કાપી નાખવાની જીન પિંગની જાહેરાત તેમણે અમેરિકા-જપાન સામે ફુલાવેલા બાવડાં ઢાકવામાં વિફળ નિવડી છે. ૧૯૭૯માં વિયેતનામ યુદ્ધ પછી ચીન ભૂમિ પર કોઇ દેશ સામે જંગ લડયું નથી. અને હવે યુદ્ધનું સ્વરૃપ બદલાઇ ગયું છે. જમાનો સાઇબર અને સ્પેસ વોરનો છે, જેમાં ચીન અમેરિકાની લગભગ લગોલગ ઊભી શકે એમ છે. તે સૈનિકોની સંખ્યા ઘટાડી રહ્યું છે, પણ સૈન્યશક્તિ વધારી રહ્યું છે. આથી હરખાવા જેવું નથી. ગુડ ન્યૂઝ એ છે કે આર્થિક અને આંતરિક ક્ષેત્રે નબળું પડી રહ્યું હોવાથી આજે નહીં તો કાલે તેની યુદ્ધક્ષમતાને માર પડવાનો છે.
અચરજ પમાડે તેવા વિનાશક શસ્ત્રો અને મિસાઇલો ચીને કોઇપણ વિદેશી મદદ વિના ઘરઆંગણે તૈયાર કર્યા તે ભારત માટે અનુકરણીય છે.
તાઇવાન, હોંગકોંગ અને તિબેટ ચીનથી આઝાદ થવા માગે છે. ચીન તેમનું ગળું પણ રુંધતું આવ્યું છે. જ્યારે સ્પ્રિંગ ઉછળશે ત્યારે આ શસ્ત્રોની ઉપયોગ તેના દેશની અંદર નહીં કરી શકે એ તેનું સૌથી મોટું દુર્ભાગ્ય છે.
ઇસ પૂર્વે ૫૪૪થી ૪૯૬ દરમિયાન ચીનમાં થઇ ગયેલા નીતિકાર સુન ત્ઝુએ યુદ્ધકલા અને સૈન્ય વ્યૂહ વિશે સૌપ્રથમ પુસ્તક લખ્યું હતું. તેમણે આ કિતાબમાં લખ્યું હતું 'જ્યારે નબળા હો ત્યારે શક્તિશાળી દેખાઓ અને શક્તિશાળી હોવ ત્યારે નબળા...' આ સૂત્રનો પૂર્વાર્ધ ચીનના પ્રવર્તમાન શાસનનો મુદ્રાલેખ બની ગયો છે.
કુલદીપ કારિયા
વૈશ્વિક હાઈલાઈટ્સ...
- પ્રેમની અભિવ્યક્તિમાં હૃદયનું ખાસ મહત્ત્વ હોય છે અને દિલ સદાબહાર જવાન રહેતું હોવાનું કવિઓ તેમની કવિતા લખે છે, પરંતુ વાસ્તવિકતા બિલકુલ ઉલટી છે. અમેરિકાની સંસ્થા સેન્ટર ફોર ડીસીઝ કંટ્રોલે કરેલા અભ્યાસમાં બહાર આવ્યું છે કે માણસના શરીર કરતા હૃદયની ઉંમર ઝડપથી વધે છે. હૃદય પંદર વર્ષ વહેલું ઘરડું થઇ જાય છે. દિલ તો બચ્ચેં હૈ જી કહેવાનું હવે બંધ કરી દેવું જોઇએ.
- બ્રિટનના ૪૦મા શાસક એલિઝાબેથ-૨ નવમી સપ્ટેમ્બરે બ્રિટનમાં સૌથી વધુ શાસન કરનારા સામ્રાજ્ઞાી બન્યા છે. ક્વિન એલિઝાબેથ બીજાના પિતા કિંગ જ્યોર્જ પાંચમાનું મૃત્યુ થતા ૬ ફેબુ્રઆરી ૧૯૫૨ના રોજ તેમણે શાસન સંભાળ્યું હતું. ૯મી સપ્ટેમ્બરે તેમના શાસનને ૬૩ વર્ષ અને સાત મહિના પૂરા થશે. બ્રિટનની લોકશાહીનું આ એક અદ્ભૂત રાજકીય સૌંદર્ય છે.
- લંડનથી વિશ્વની સૌથી મોટી એટલે કે ૪૦,૦૦૦ નોટીકલ માઇલ લાંબી યોટ રેસનો પ્રારંભ થયો છે. તેમાં ૧૨ યોટ પર ૭૦૦ સ્પર્ધકો સવાર થયા છે. આખી પૃથ્વીને ચક્કર લગાવી અંદાજે જુલાઇ ૨૦૧૬ સુધીમાં હોડીઓ ફરી લંડન પહોંચશે. સ્પર્ધામાં મોટાભાગના ખલાસીઓ શિખાઉ સાગરખેડું છે. જોકે સાહસ એ સૌથી મોટી લાયકાત છે.
-સ્થળ ત્યાં જળ એવું તો ઘણી વખત સાંભળ્યું છે, પરંતુ અમેરિકાના એક ફોટોગ્રાફરે સ્થળ ત્યાં વૃક્ષની ભ્રાન્તિ કરાવી હતી. કેલિફોર્નિયાના મોઝાવ રણમાં સૂકાઇ ગયેલા સરોવરનો પટ ફોટોગ્રાફર જેસન ડોટોરોવે વિમાનમાં ૩૦,૦૦૦ ફુટની ઊંચાઇ પરથી કેમેરામાં કેદ કરી લીધો હતો. આ તસવીર અમેરિકાની ફોટોગ્રાફી સ્પર્ધામાં બીજા નંબર પર આવી હતી.
- ચીનના તાઇવાન પ્રાન્તમાં યુવક-યુવતીઓ કપડાંને બદલે પ્લાસ્ટિકની બેગ પહેરીને સેલ્ફી ક્લિક કરી સોશિયલ મિડિયામાં મૂકી રહ્યા છે. સાંભળવામાં આ થોડું વિચિત્ર લાગશે. જોવામાં પણ એટલું જ ઉટપટાંગ છે, પરંતુ આ ટ્રેન્ડ ઊભો થવા પાછળનું એવુ ંકોઇ નક્કર કારણ નથી. મોલ કલ્ચર ફૂલ્યુ-ફાલ્યુ છે એવા જુગમાં તાઇવાનના જુવાનિયાઓ ૭-ઇલેવન સ્ટોરની મોટી પ્લાસ્ટીક બેગ પહેરીને બિંદાસ્ત ફોટોગ્રાફ્સ પડાવે છે. યા જાતે ક્લિક કરે છે. જરા અસભ્ય ગણાતી આ ફેશન આજકાલ ખલબલી મચાવી રહી છે.
ટિપ્પણીઓ નથી:
ટિપ્પણી પોસ્ટ કરો